/SF2 11ª XORNADA: LA CURTIDORA 3 FISIOMÁSZALAETA 1

SF2 11ª XORNADA: LA CURTIDORA 3 FISIOMÁSZALAETA 1

  O FisiomásZalaeta déixase tres puntos en Avilés ante o Planeta Palombina La Curtidora na súa loita na parte baixa da táboa.


  Partido correspondente á 11ª xornada o que enfrontou o sábado ás 17:30 no pavillón de Los Canapés de Avilés ao Planeta Palombina La Curtidora co FisiomásZalaeta. Dirixido polo colexiado Daniel Gálvez, tivo unha duración de 01h 33m e finalizou cun resultado de 3-1 con parciais 17-25: 25-22; 27-25 e 25-19.

PLANETA PALOMBINA A CURTIDORA: Ana Mª Sánchez, Patricia Franco, Claudia Rodríguez, Ángela Molina, Carla Tomé, Celia Flórez, Gloria Santos, Alba Fernández, Sara Arias, Aroa Rodríguez, Cristina Imargues e Carla Piélagos.
Adestrador Daniel Berrio

FISIOMÁSZALAETA: Patricia Santos, Sofía Hidalgo, Alba Quirós, Paula Otero, Irene Vázquez, Andrea Rivas, Olalla G. Taibo, Sheyla Arias, Teresa Álvarez, Tania Cobos, Susana Suarez e Noa Sánchez.
Adestrador J. Barrero e F. Cueto.
  Partido disputado no que o Zalaeta entrou máis centrado que o seu rival e logrou un primeiro set que parecía poñer o partido do lado visitante ante os erros da Curtidora. Pero no segundo set as de Berrio encargáronse de corrixir o rumbo e os erros, sempre por diante no marcador en todos os parciais puxeron o 1-1 co que nos fomos ao terceiro. Neste set as coruñesas tamén foron por detrás das locais, con remontadas que non chegaban a callar, tentárono e meteron moita presión ao rival pero finalmente cederon un 27-25 (21-18 no terceiro parcial)  que nos dá idea da igualdade no xogo. No cuarto La Curtidora foi de menos a mais, mantendo as de Barrero unha pequena diferenza inicial que se esfumou no terceiro parcial cun 21-17 e decantouse por un 25-19 final.
  Bo comezo de partido do Zalaeta que enseguida perdeu fol, cometeu erros, 21 en saque, perdeu a concentración e non estivo acertado ante un rival que pronto corrixiu os seus erros e xogou ordenadamente e tivo na veterana Cristina Imargues a súa mellor xogadora, que con 19 puntos (5 Aces e 3 bloqueos) foi a máxima anotadora do encontro, seguida no seu equipo por Patricia Franco con 11 puntos.
  Por parte do FisiomásZalaeta Sheila, que con 12 puntos (3 Aces), volve ser   a máxima anotadora do equipo, seguida nesta ocasión da xuvenil Paula Castro con 11 puntos.
  Último partido do ano o vivido onte no pavillón de Los Canapés de Avilés. Enfrontabámonos ao noso inmediato perseguidor, ao que antes do encontro quitabámoslle 5 puntos de vantaxe e que tras a derrota sufrida, recortounos a 2 puntos a diferenza na táboa.
  Un partido con moito fallo pola nosa banda, 21 erros de saque ante un rival con problemas en recepción, resultou fatal ao final do encontro. Entramos moi ben nun primeiro set no que a vantaxe inicial que logramos, puidemos mantela todo o set, outorgáronnola os fallos de ataque da AD Curtidora, que comezou o partido algo máis ansioso en ataque, o cal lle provocaba acumular fallos.
  Despois deste set, no segundo fomos a remolque das locais, só ao final demos algo de mostras de querer levarnos o set, pero 4 erros de saque consecutivos condénonos ao 1-1. No terceiro un pouco máis do mesmo, un comezo frouxo pola nosa banda, tentamos ir salvando a diferenza das locais aos poucos, pero ao final esa vantaxe tradúcese en algo insalvable para nós. O cuarto set foi por altibaixos totalmente, mal comezo de set, 5-0 abaixo que se traduce nun 8-14 arriba e que ao final é o set que perdemos por maior diferencia no marcador. 

  Agora á volta de Nadal quédanos un sprint final de 7 partidos nos cales de facer un bo inicio en xaneiro poderiamos ir cara arriba na clasificación. 


F. Cueto.
TAGS: