Encontro correspondente á 7ª xornada disputado no Barrio entre o equipo do Instituto e o Extremadura Arroyo. Todo un clásico de SF2 entre estes dous equipos que sempre nos deparan un bo partido, que nesta ocasión finalizou cun 3-0 (25/20, 25/18 e 25/17) favorable ás coruñesas.

   Bo partido das xogadoras de Jorge Barrero que non lle deron oportunidade ás de Arroyo de la Luz e dominaron os tres sets cunha gran actuación en saque, lograron 19 puntos directos con só 4 erros, cunha eficacia do 31% 27 puntos.

  Máxima anotadora do encontro a xogadora do Estremadura Arroyo Janine Sandell con 18 puntos. Por parte do Zalaeta Alba Quirós con 13 puntos, 6 ACEs que lle valen para ser a mellor sacadora da xornada de SF2, seguida de Inés Losada con 12 puntos e Inés Rivas con 11.

  Suma 3 puntos o Zalaeta que lle serven para manter a 4ª posición, na que continúan empatadas a puntos co Feel Alcobendas en 5ª lugar.

  A próxima xornada desprazamento a CV Oviedo, para xogar co último clasificado do grupo, o sábado 23 ás 17:00 no polideportivo José Manuel Fuente.