Regresa a competición de SF2 ao Barrio das Flores coa visita do Feel Voley Alcobendas o sábado día 4 ás 18:00.
Despois do parón da Liga o pasado fin de semana, e logo de xogar varios encontros fóra de casa, o FisiomásZalaeta volve disputar un partido como local ante o Feel Voley Alcobendas. As madrileñas, ocupando a segunda posición na táboa, desprázanse dispostas a conseguir a vitoria que as achegue ao ascenso de categoría, e fano logo de derrotar ao Extremadura Arroyo na anterior xornada, na que a súa xogadora galega, Mª Alejandra Álvarez, foi elixida MVP da xornada.
Pola súa banda o FisiomásZalaeta, chega a este partido logo dunha racha de malos resultados fóra de casa, sendo precisamente a última vitoria, a obtida ante o rival do sábado no Luís Buñuel de Alcobendas.
“O descanso destes días, di Jorge Barrero, veunos ben, sen viaxes é máis fácil recuperar, e por iso, o equipo está adestrando ben e con ganas de xogar e de gañar na nosa cancha. Esperamos que o partido sexa moi igualado, e teremos opcións na medida na que o noso xogo funcione ben e sen erros, a recordar que fomos o único equipo que lle gañou ao Alcobendas nesta fase”.
O domingo 7 de abril xogarase a Fase Final do Campionato Galego Xuvenil Feminino no Pabellón Municipal de Lugo, en xornada de mañá, semifinais, e tarde, finais.
O domingo celebrarase o Play Off da liga, que enfrontará aos catro primeiros equipos clasificados na Liga Regular, e do que sairá o campión galego e saberase que equipos se clasifican para o Campionato de España de Clubs.
Xogaranse pola mañá as semifinais, que enfrontarán a partir das 10:30 ao EMEVE co CV Voley Ourense, e ás 12:00 a segunda semifinal, CV Zalaeta con AD A Pinguela. Ás 17:00, no mesmo escenario, xogaranse o 3ª e 4ª posto os perdedores da mañá, e a final ás 18:30.
O EMEVE, club anfitrión, e brillante vencedor de Liga sen unha derrota, parte como favorito para facerse co título. Xogando en casa, cun equipo moi conxuntado, e con xogadoras que son habituais nas alineaciones do equipo de SF2, tratará de non deixar escapar a oportunidade de gañar o campionato ante a súa afección.
Xogaranse pola mañá as semifinais, que enfrontarán a partir das 10:30 ao EMEVE co CV Voley Ourense, e ás 12:00 a segunda semifinal, CV Zalaeta con AD A Pinguela. Ás 17:00, no mesmo escenario, xogaranse o 3ª e 4ª posto os perdedores da mañá, e a final ás 18:30.
O EMEVE, club anfitrión, e brillante vencedor de Liga sen unha derrota, parte como favorito para facerse co título. Xogando en casa, cun equipo moi conxuntado, e con xogadoras que son habituais nas alineaciones do equipo de SF2, tratará de non deixar escapar a oportunidade de gañar o campionato ante a súa afección.
Pola súa banda o Zalaeta que realizou un bo final de Liga Regular, atópase crecido e disposto a disputarlle o título ás organizadoras, aínda que para iso, “o noso primeiro rival é o AD A Pinguela, di J. Barrero, e elas son o equipo a bater para poder pasar á final, non debemos esquecelo”.
O equipo do Instituto contará nesta ocasión, coa presenza da oposta Antía Rodriguez, xogadora do club que está actualmente na concentración da Selección Española, e que realizou toda a presente tempada nas filas do CAEP Soria de SF2, e cuxa achega e experiencia serán importantes para o rendemento do equipo.
