/RESULTADOS 2ª XORNADA LIGA GALEGA XUVENIL

RESULTADOS 2ª XORNADA LIGA GALEGA XUVENIL

    Segunda xornada da Liga xuvenil e nova vitoria do FisiomásZalaeta no Instituto ante o Fisioterapia Cinesia Noia.
  O encontro comezou ás 12:00 dirixido polos colexiados Nerea García e Marcos Folgar, tivo unha duración de 47 m. e finalizou cun resultado de 3-0, con parciais: 25-10; 25-8 y 25-15. Adestradores, local David Hermida e visitante González.

  FisiomásZalaeta: Susana Suarez, Paula Lema, Raquel Rey, Inés Rivas, Ana Mª Ceba, Nerea Tabeayo, Noemí Vázquez, Ana Calvo e Lidia Gudge.

  Fisisoterapia Cinesia Noia: Canabal, Blanco P., Beceiro, Blanco R., Castro, García, Martínez, Oviedo, Rodríguez, Trillo, Dosil e Calo.

  Partido
de trámite para as locais que venceron comodamente un encontro con
moita diferenza entre ambos os dous equipos, no que as visitantes
acusaron a baixa dalgunha da súa xogadoras habituais, e que podemos
resumir vendo os parciais de cada set. Non serve para sacar moitas
conclusións pero é importante para que el equipo vaia acumulando minutos
e que todas as xogadoras poidan participar.
  O adestrador David Hermida, viu así o encontro: “O equipo de Noia
apenas nos púxo en dificultades co seu saque, co que a nosa recepción
estivo moi segura ao longo de todo o partido e se conseguiu facer o
cambio con relativa facilidade. Á contra, o noso saque foi bastante
regular durante os tres sets e fixo gran parte do traballo. O resto de
puntos conseguíronse cunha acertada defensa que ante un ataque que non
era demasiado contundente,  permitíanos volver armar o noso ataque con
facilidade”.

  Dous puntos máis que suma o equipo do Instituto para
continuar na cabeza da clasificación nun encontro no que houbo minutos
para todas a xogadoras. Mencionar a baixa por lesión de Sara Armesto, da que se espera que se reincorpore en breve ao grupo. 

 ……………………………………….

 

  Como previo ao partido de xuvenís, Mery e Pepe
prepararon unha sesión para as cadetes, que xogaron un partido con
diferentes combinacións para non perder o ritmo despois de finalizar a
competición da Copa Federación.
  Enfrontáronse entre cadetes A e B
realizando diferentes ensaios que serven para a posta a punto dos
equipos e a rodaxe das xogadoras, que deste modo poñen en práctica o
aprendido nos adestramentos e serve aos preparadores para corrixir e
avanzar na preparación da tempada.
  Diversión e bo ambiente esta mañá na cancha do Instituto na que todas as xogadoras participaron nesta lúdica xornada de sábado.

TAGS: