Continúa a preparación de pretemporada do FisiomásZalaeta, cada vez con maior intensidade, coa participación na terceira edición do  Torneo VallaVoley que organiza a Universidad de Valladolid. Un torneo nesta edición que se xogaba en categoría masculina e feminina.

 
  Compartían cartel co Zalaeta, o EMEVE de Lugo, o Universidad de Valladolid, esta tempada tamén rival en SF2 e o vallisoletano  CD Cervantes.
  Os adestradores Jorge Barrero e Fernando Cueto contaban con toda a plantilla para unha xornada que se presentaba intensa, viaxe de ida e volta e tres partidos a disputar ao longo do sábado. Desprazáronse as seguintes xogadoras: Cristina G. Bermejo, Sheila Arias, Rocío Durán, Sofía Hidalgo, Noa Sánchez, Olalla G. Taibo, Andrea Rivas, Alba Quirós, Tania Cobos, Patricia Santos, Irene Vázquez e  Paula Castro, e ausencia de Susana Suarez e Teresa Álvarez.

 
  O desprazamento comezaba ás 04:30 do sábado, como sempre a bordo do autobús de AUTOS CANCELA, que nesta ocasión compartía viaxe cos equipos do EMEVE, para chegar á cidade do Pisuerga ás 10:30 da mañá, a tempo de realizar o quecemento para o primeiro encontro.
 O torneo entre catro equipos xogábase en formato de todos contra todos en partidos a tres sets, contabilizando cada set gañado, un punto, dando a suma de sets o gañador do torneo.
  Boa actuación das coruñesas que se fixeron co título desta edición sen perder ningún partido, e cedendo soamente dous sets, o que lles outorga 7 puntos e a primeira posición.
  Houbo minutos para todas as xogadoras, que van mostrando o avance da preparación, e aínda que o xogo despregado denota falta de ritmo de competición,  a conxunción do equipo faise patente e manifesta unha das máis importantes características do  equipo do Instituto, no que o conxunto é unha clave.

  Segunda xornada de pretemporada, torneo organizado coa Universidade de Valladolid que este ano disputará a SF2. Torneo en formato de concentración que nos permitiu acumular 9 sets nunha xornada. Para nós foi unha interesante xornada, xa que nos vimos enfrontados a 3 equipos con diferentes armas que che fan ver diferentes aspectos do teu xogo. O resultado, que foi positivo, a estas alturas de pretemporada non é o máis importante pero a pesar de estar rotando o banco constantemente na procura dunha boa repartición de minutos entre as xogadoras púidose ver un xogo ordenado e coordinado, unha nota moi positiva a estas alturas da tempada.