Hoxe martes fanse públicas as estatísticas da RFEVB da 6ª xornada nas que son protagonistas as xogadoras do FisiomásZalaeta.
 
Despois da derrota en Tenerife, a pesar do bo xogo do equipo, as
estatísticas veñen a referendar a boa actuación das pupilas de Jorge Barrero, cunha relevancia especial para Sara Díaz que se coloca como mellor atacante, mellor anotadora, 21 e 25 puntos respectivamente, e no sete da semana; Cristina de novo aparece, nesta ocasión como mellor bloqueadora con 6 puntos de bloqueo; Sheyla
encabeza a lista de receptoras cunhas excelentes porcentaxes, Rocío unha vez mais entre as mellores sacadoras, e para
finalizar, inicia as súas aparicións no cadro das mellores Sofía como
segunda mellor libre e incluída no sete da semana.
  Como MVP, a xogadora tinerfeña, Melody Díaz en virtude da súa eficacia no saque e a remontada do seu equipo.

   Resulta curioso que cuns
números como estes se poida perder un partido, é unha interrogante que
queda en espera de resposta, así como tamén é de destacar que de seis
partidos de liga, en tres ocasións as MVP saísen do encontro protagonizado polo Zalaeta, que non é senón evidencia da esixencia do xogo despregado polos equipos nestes choques.
  
O nivel de xogo é alto, e a pesar dos contratempos, a constancia e os
adestramentos provocarán de novo a obtención de resultados positivos.

   Parabéns  FisiomásZalaeta!!