Puntualmente comezaba ao mediodía no Barrio o partido de SF2 que enfrontaba ao CAEP Soria e ao Autos Cancela Zalaeta, que dirixido polos colexiados Carlos A. Cordeiro e Marcos Folgar, tería unha duración de 01 h 30 m e que finalizou cun resultado de 3-1 con parciais 22-25; 25-19; 25-20 e 25-18 (97-82).
AUTOS CANCELA ZALAETA: Patri Santos, María Pedreira, Claudia Gómez, Emma Ordoñez, Paula Lema, Andrea Rivas, Laura Vázquez, Antela Couceiro, Tania Cobos, Lida Gudge, Inés Rivas e Noa Sánchez. Adestradores Jorge Barrero e Fernando Cueto.
CAEP SORIA: Ariadna Priante, María Otero, Raquel Montoro, Lida Figueira, Claudia Fita, Veiga Lope, Julia Vaqueiro, Carla Aparicio, Julia De Paula, Marta Otero, Carolina Camiño, Lucía Varela, Carla Jiménez e Itziar López. Adestradores Pascual Saurín e Bego Saenz.
Partido moi igualado que estivo a piques de complicárselle ao Zalaeta, que saíu á cancha no primeiro set fóra de ton e permitiu que as xóvenes xogadoras de Soria se adiantásense no marcador, e non foi capaz de superalas ao longo do set, durante o cal só logrou o empate nalgún parcial pero tivo que ceder o 0-1 ante unha maior eficacia das de Saurín.
No segundo entraron mais centradas as coruñesas, e ao 2-0 inicial seguiulle un 6-1, a diferenza era cada vez maior e o control do set exercíano as de Barrero, que cun ataque máis eficaz e mellorando o saque lograron empatar o partido. Foi importante este segundo set, devolveu a confianza ás do Instituto e fíxolles ver que tiñan posibilidades, e no terceiro, a pesar de comezar por baixo no marcador, non se deixaron dominar e remontaron xa no primeiro parcial do set, 8-7, para dominar o marcador en diante e lograr o 2-0 e con iso o primeiro punto en xogo e a tranquilidade de saber que ían por diante.
Así no cuarto e último, o Zalaeta logrou a mellor media de ataque do partido, un 56%. Só floxeou ao comezo do set, tivo que remontar un 0-4 e posteriormente un 7-11, pero foi capaz de endosarlle ao CAEP dous parciais de 6-0 en diferentes momentos, que supuxeron o final do set e do partido.
Con este encontro finaliza un fin de semana de competición no que o Autos Cancela Zalaeta ponse ao día cos partidos de liga e suma os 6 puntos en xogo que o levan á 5ª posición da táboa con 7 puntos de 9 posibles e a 2 da cabeza, o CV Torrelavega, liderado compartido por un triplo empate.
A máxima anotadora do encontro foi a coruñesa Laura Vázquez con 25 puntos, seguida de Emma Ordoñez con 19, ambas se está manifestando como as artilleiras do equipo nos partidos deputados ata o momento. Polo CAEP, a máxima anotadora do partido foi Marta Otero con 15 puntos seguida de Raquel Montoro con 13.
PARA VER O VIDEO DO PARTIDO PINCHA AQUÍ
PARA VER AS FOTOS DO PARTIDO DE J. VÁZQUEZ .. PINCHA AQUÍ
……………………………………………………………………………..
Este fin de semana comezou a competición autonómica, as Ligas Galegas iniciaron a súa andaina 2018-2019, e os equipos do Club Instituto Zalaeta Voleibol implicados, desprazáronse para resolver os seus compromisos nesta primeira xornada cun pleno de vitorias nos tres partidos en xogo.
O equipo de 1ª Senior xogaba o sábado en Carballo ante o conxunto local, AD Xiria Asesoría Cervantes, ao que venceu cun resultado de 1-3 con parciais 15-25; 25-22; 18-25 e 19-25. Baixo a dirección, nesta ocasión, de Cristina G. Bermejo, o Zalaeta logra os 3 primeiros puntos da tempada.
Esta mañá desprazábanse ao Lugo os equipos Infantíl e Cadete para enfrontarse ao EMEVE. O equipo Infantil de 2ª División, baixo a dirección de David Hermida, vencía este primeiro encontro de liga por un resultado de 0-3, con parciais 19-25; 17-25 e 17-25.
As cadetes de 1ª División. con Cristina G. Bermejo facíanse tamén coa vitoria con idéntico resultado que o anterior: 0-3, con parciais 24-26; 18-25 e 16-25.
FOTOS DE CARMEN FDEZ. AQUÍ
