O FisiomásZalaeta
desprázase con intención de manter o seu refacho de triunfos, despois
dunha semana de adestramento cuxo obxectivo era o mantemento do bo
momento de forma das xogadoras e a recuperación de molestias e
sobrecargas.
O enfrontamento co conxunto madrileño non lle parece
doado ao cadro técnico, “ocupan o último lugar da táboa, coméntanos o 2º
adestrador, Chisco, coa cuadrícula sen
estrear, e é iso o que pode convertelas nun rival difícil xa que
quererán puntuar na casa custe o que custe. É un equipo que estrea
categoría, polo que nos resulta certamente descoñecido, con poucas
referencias, cun equipo xoven ante o que trataremos de impoñer o noso
ritmo para volver con algo positivo”.
Puntuar neste desprazamento sería importante de cara a manter a posición na táboa, xa que outros enfrontamentos, Haris-Torrelavega e CAEP-Teis poden deparar resultados favorables.
O desprazamento realizarase por estrada con Autos Cancela, que realizará a saída con destino a Rivas Vaciamadrid o sábado ás 08:30 dende o Instituto Zalaeta.BOA VIAXE E BOA SORTE!!
…………………………………………………………………………….
Mañá venres primeiro partido
do fin de semana, derby local, as infantís de Liga Galega enfróntanse ao
Liceo, líder da categoría con 3 vitorias. Está previsto que o partido
comece ás 10:30 na cancha do colexio.
Tamén na casa xogan as xuvenís, que reciben o Jealsa Boiro Voleibol
no Pavillón do Instituto ás 10:30 do sábado día 1. Importante partido o
esta terceira xornada que enfronta aos dous primeiros clasificados
empatados a puntos, de modo que o vencedor ocupará a primeira praza en
solitario.
A continuación partido de 2ª Div A entre o Autos Cancela e o Jealsa Boiro Voleibol. Ás 12:00 en Pavillón do Instituto, nunha xornada na que se irán aclarando algunhas cousas da clasificación.
Os equipos Cadetes A e B desprázanse. O equipo A desprázase a Narón co obxectivo de abrir oco na táboa, ás 10:00 en La Gándara. Mentres tanto, o equipo B visitará Padrón, onde no Polideportivo do Grupo Escolar se enfrontará ao equipo local.
Autos Cancela realizará o desprazamento co equipo Cadete B a Padrón, e sairá dende o Instituto Zalaeta, como é habitual, o sábado ás 08:30.BOA VIAXE E MOITA SORTE!!
LIGA GALEGA INFANTIL: LICEO LA PAZ Vs C.I ZALAETA, VENRES 10:30 COLEXIO LICEO LA PAZ
LIGA GALEGA XUVENIL: C.I ZALAETA Vs JEALSA BOIRO VOLEIBOL, SÁBADO 10:30 P. ZALAETA
2ª DIV A: AUTOS CANCELA ZALAETA Vs JEALSA BOIRO VOLEIBOL, SÁBADO 12:00 P. ZALAETA
LIGA ZONAL CADETE: CV PADRON Vs C.I ZALAETA A, SÁBADO 10:30 POL. GRUPO ESCOLAR
CV NARON VOLEA Vs C.I ZALAETA B, SÁBADO 10:30 POL. A GÁNDARA
