Finalizaron os Campionatos de España de Seleccións Autonómicas Infantís e Cadetes celebrado en Valladolid do 24 ao 27 de Abril.
  Unha
vez máis a representación de Galicia obtivo uns brillantes resultados
proclamándose Campiona de España na categoría Cadete Feminino e medalla
de Bronce en categoría Infantil Masculino, cuarta praza en Infantil
Feminino e sétima posición en Cadete Masculino.
  O equipo Cadete
Feminino defendía o subcampionato logrado na pasada edición, e
defendeuno, reeditando a final do ano pasado ante a selección catalá, á
que nesta ocasión venceu por un claro 1-3 (26-24; 20-25; 15-25 e 19-25),
despois de eliminar en semifinais a Castilla y León (3-0).
  O equipo dirixido por Rodolfo Lago, con Fernando Cueto Pedrotti e Cristina G. Bermejo como axudantes, obtén un importante triunfo, que coa cuarta posición do equipo infantil de J. Liboreiro e P.Valcárcel,
que eliminou a Cataluña en semifinais por 3-0, e que caeu ante Asturias
polo mesmo resultado, súmanse á medalla de bronce obtida polo conxunto
Infantil Masculino de A. Rodríguez e A. Alves, que caeu ante o campión, C. Valenciana, por 3-0 e derrotou a Extremadura (3-1) logrando o terceiro posto. O Cadete Masculino de E. Mahía e M. Rodríguez, sitúase en sétimo lugar despois de vencer a Canarias 3-0.

 Parabéns
a todos os participantes da expedición galega, que co seu traballo e bo
facer, logran estes excelentes resultados que manteñen ao voleibol de base de
Galicia entre os mellores de España.