/FIN DE SEMANA DE COPAS

FIN DE SEMANA DE COPAS

  Finalizadas as vacacións de Nadal e xa sen apenas tempo de «descanso», retomamos a competición a partir de mañá sábado: Copa de Galicia no Municipal de Lugo.
  Este sábado 7 de Xaneiro xógase en Lugo a XXXIV edición da Copa Galicia de Voleibol Feminino organizada polo equipo local, o EMEVE, e que enfrontará aos catro mellores equipos galegos nunha dobre e emocionante xornada.
  En xornada matutina enfrontaranse en semifinais o EMEVE co Caldaria VoleyOurense a partir das 10:00, e a continuación, ás 12:00 o Xuvenil Teis ante o FisiomásZalaeta.
  Complicada competición na que a priori o equipo lucense pode partir como favorito, o factor cancha pode ser decisivo, pero a competición será unha incógnita, moita competitividade entre estes catro equipos que se coñecen perfectamente e todos eles quererán inscribir o seu nome na lista de gañadores da Copa.
  As semifinais serán dous derbis de gran rivalidade, o Zaleta enfróntase ao Xuvenil de Teis con varios obxectivos, o principal será referendar o bo momento de xogo co que finalizou a primeira volta da competición e ao mesmo tempo devolverlle ao equipo de C. Veloso  a derrota no partido de liga xogado en Teis no último enfrontamento entre estes dous equipos, para poder entrar na final e poder disputar este prestixioso título.
  Lembrar que esta competición será retransmitida por EnXogo dá TVGalicia TVG2.

  Paralelamente tamén se xoga esta fin de semana no Braulio García de Xixón, a Copa Princesa entre os dous primeiros clasificados de cada un dos grupos de SF2 Feminina, JS Hotels Ciutat CIDE, Arona Tenerife, Madrid Chamberí e o equipo organizador RGC Covadonga. O sábado disputaranse a semifinais e o domingo ás 12:00 a final.
  Tamén comezan a competición os equipos de Ligas Galegas este fin de semana, que xogarán a xornada nº 10 cos seguintes compromisos para os equipos do CI Zalaeta:

  1ª DIVISIÓN INFANTIL

LICEO A PAZ  Vs  CI ZALAETA  DOMINGO 8  10:00  COLEXIO LICEO A PAZ 
 
  2ª DIVISIÓN CADETE

DOMPA XESTIÓN  Vs  CI ZALAETA  DOMINGO 8  0:30 P.M. OS REMEDIOS
 
  1ª DIVISIÓN XUVENIL

CD VAGALUME  Vs  AUTOSCANCELAZALAETA  SÁBADO 7   18:00  P.M. ESTEIRO
 
  1ª DIVISIÓN SENIOR

DOMPA XESTIÓN  Vs  AUTOSCANCELAZALAETA  DOMINGO  8  12:00  P.M. OS REMEDIOS

  Como é habitual os desprazamentos realizaranse o o autobús de Autos Cancela que fará a súa saída desde o Instituto Zalaeta con vos seguintes horarios:
 

  Sábado día 7, ás 09:30 partirá o autobús co equipo de SF2 con destino a Lugo.
 Sábado día 7, ás 16:00, Autos Cancela desprazarase co equipo xuvenil a Ferrol.
E para finalizar, o domingo 8 ás 07:30, saída do autobús con destino a Ourense cos equipos senior e cadete.

Boa viaxe e boa sorte!!

ETIQUETAS: