Bo partido o que presenciamos esta tarde no Barrio das Flores, no que o Feel Voley Alcobendas impúxose, nun encontro moi igualado, ao FisiomásZalaeta.

   O encontro comezou ás 18:00 sendo dirixido polos colegiados Diego Rguez. e Duarte Borrás, tivo unha duración de 02h 01m e finalizou 2-3, con parciais: 25-21; 20-25; 17-25; 26-24 e 11-15. Adestradores, local, Jorge Barrero e José M. Sánchez, visitante, Hugo Gotuzzo.

   FisiomásZalaeta: 1 Marta Fraga, 2 Cristina García, 3 Sofía Hidalgo (L), 5 Marta Esperanza, 6 Andrea Rivas, 7 Laura Lago, 9 Olalla García, 10 Sheila Arias, 11 Patricia Suarez, 13 Lydia Alonso, 14 Sara Díaz e 15 Rocío Durán.
   Feel Voley Alcobendas: 3 Patricia Rguez. (L), 5 Carmen Unzúe, 6 Sofía Elizaga, 7 Claudia Gonzalo, 9 Olaya Alonso, 10 Ana Muller, 12 María A. Alvarez, 13 Leticia Leria e 18 Esther Rguez.

   O primeiro set foi de cor local, as do Instituto aproveitaron o frouxo comezo das de Alcobendas para superalas no marcador, indo por diante ao longo de toda a manga, e aproveitando o seu maior acerto en ataque. No segundo set, o FisiomásZalaeta perdeu efectividad no ataque e con erros en defensa, viuse superado polo Feel Voley desde o comezo, e aínda que foi recortando distancias, non puido evitar o empate.
   O terceiro set foi de novo para as visitantes, que melloraron o seu ataque e obtiveron a maior diferenza do partido ante as coruñesas, que non lograban que lles saísen ben as cousas, que levaron o control do xogo ata o segundo parcial, 15-16, a partir do que sufriron a remontada do rival que se fixo co marcador.
   O partido parece inclinarse polas de Alcobendas, ambos equipos reducen erros e melloran o ataque, pero no cuarto set emerge o Zalaeta, que cun gran xogo na rede e eficiencia no ataque logra superar ao rival e forzar o Tie-Break.
   No quinto set, o FisiomásZalaeta ponse por diante no primeiro parcial, pero cun 8-10 no marcador, atáscase e acaba cedendo o set, 11-15, e o partido.
   Para o adestrador Jorge Barrero, “estivemos mellor que partidos anteriores,  pero aínda non é suficiente, xogar en casa foi positivo. Foi un partido moi igualado e tivemos opcións de gañar pero non foi posible”.
   Destacar a achega de Patricia Suarez, que con 17 puntos é a máxima anotadora do encontro, Marta Fraga, que malia non xogar todo o partido, callou unha boa actuación, e os puntos de Lydia e Rocío.
   Pola súa banda o Feel Voley Alcobendas, foi de menos a máis, fixo o seu partido dando mostras de ser un equipo sólido e de calidade e levouse a vitoria e os puntos, que lle serven para dar un paso importante de cara ao ascenso de categoría.
   O próximo partido será o venres 19 ante o Bestla Finance Alzira no polideportivo do Barrio das Flores.
   Clasificación.