Xornada de rivalidade en SF2 co derbi autonómico que se disputará no Barrio das Flores entre o FisiomásZalaeta e o Xuvenil Teis, encontro co que o Zalaeta despedirase da súa afección na presente tempada de competición ligueira xa que será o último partido que xogue na casa.
  Importante partido para ambos os conxuntos ao que chegan as de Teis con dúas derrotas consecutivas e as coruñesas nun refacho ascendente con dúas vitorias nos dous últimos partidos disputados.
   As xogadoras de Barrero están dispostas a dar a cara, “sairemos a gañar, dinos o técnico, a por os tres puntos,  trataremos de facer boa serie de xogo na que nos atopamos para sumar os tres puntos en xogo que nos permitan adiantar na clasificación ao Xuvenil e ofrecer un bo peche de tempada á nosa afección no Barrio”.
  Un derbi sempre é un derbi, e a pesar do incerto que pode ser o resultado, as locais quererán devolver a moeda ao Teis, que na primeira volta gañou o partido ante o Zalaeta por 3-1, e deste xeito continuar escalando postos na clasificación.
  Emoción e espectáculo non faltarán no Barrio este sábado a partir das 19:00 onde esperamos contar co apoio tan necesario da afección para despedir a tempada en casa cunha vitoria nun choque ten especial como un derbi galego.